PayTM se payment karte hai to aapke sath ho sakta hai scam

Share:
PayTM se payment karte hai to aapke sath ho sakta hai scam yuva rajputana

Agar aap ek dukandar hai aur PayTM se payment receive karte hai to ye post aapke liye hai. Paytm ka use din badin badhta ja raha hai. Aur kafi badiya app hai useful hai. Par kai log hai jo is app ka galat istemal karte hai, Logo ko cheat karte hai.

Market me kuch ese apps ghum rahe hai jo dikhne me to paytm jaisa hi lagta hai par darasal wo fake app hota hai. Log kya karte hai koi shop pe jate hai jaha bheed ho, aur vaha se koi cheez kharidte hai aur us paytm jaise lagne wale app se payment karte hai. Us fake app par wahi success screen dikhai deti hai jo paytm app me dikhti hai. Aur us screen ko dukandar ko dikha deta hai.

Jo banda pay karta hai uske phone me wo success screen dekh kar Dukandar jyada bheed hone ki vajah se apne mobile phone se confirm nahi karta, Aur Kaand ho jata hai.

To agar aap yan aapka koi relative koi shop chalate hai aur payments online app se recieve karte hai to is baat ki ganth bandh lijiye. me ye nahi kehta ki ye technology ya ye app kharab hai, par log unka galat istemal kar rahe hai unse bache.

Aisa ab tak kai logo ke sath already ho chuka hai, aur aage bhi hota rahega jab tak logon ke samne ye jankari nahi pahuchti. isliye maine ye post likhni jaruri samhji hai. To dosto meri aap se ek request hai ki aap is post ko jitna ho sake share kijiye. aapke nahi to dusre logo ke kaam aa jayegi. jay hind, Jay Rajputana.

No comments